ვეძებთ ასისტენტს/მეგობარს და მხარდამჭერს 15 წლის აუტისტური სპექტრის მქონე მოზარდისთვის 💛 მდებარეობა: გლდანი ვეძებთ მშვიდ, ენერგიულ, პასუხისმგებლიან ახალგაზრდას 🧡რომელსაც შეუძლია მოზარდთან მეგობრული ურთიერთობის ჩამოყალიბება, მისი ყოველდღიური საქმიანობის მხარდაჭერა და საჭიროების შემთხვევაში დახმარება. ჩვენთვის განსაკუთრებით მნიშვნელოვანია, რომ კანდიდატს ჰქონდეს აუტისტური სპექტრის შესახებ საბაზისო ცოდნა და სწორი დამოკიდებულება, რათა შეძლოს მოზარდის თავისებურებების გაგება, მასთან ეფექტური კომუნიკაცია და მშვიდი, მხარდამჭერი გარემოს შექმნა. 🔹 სამუშაოს ძირითადი ნაწილი: • მოზარდთან სახლში ყოფნა და ყოველდღიურ საქმიანობაში მხარდაჭერა; • სკოლაში მიყვანა და წამოყვანა — სკოლაში ადგილზე დაგხვდებათ სხვა ასისტენტი; • ცენტრში მიყვანა/წაყვანა; • სკოლა და ცენტრი სახლიდან შორს არ არის; • მოზარდთან კომუნიკაცია, ჩართულობისა და დამოუკიდებლობის ხელშეწყობა. 👨‍👩‍👦 მშობლები ძალიან კარგი, ყურადღებიანი და მხარდამჭერი ადამიანები არიან, ამიტომ ჩვენთვის მნიშვნელოვანია ადამიანური და კეთილგანწყობილი ურთიერთობა როგორც მოზარდთან, ისე ოჯახთან. 💛 მთავარი მოთხოვნები: • აუტისტური სპექტრის შესახებ ცოდნა ან გამოცდილება; • მშვიდი და მომთმენი ხასიათი; • ენერგიულობა და აქტიურობა; • პასუხისმგებლობის აღების უნარი; • მოზარდთან მეგობრული და პატივისცემაზე დაფუძნებული ურთიერთობის სურვილი. თუ ფიქრობთ, რომ ეს პოზიცია თქვენთვის საინტერესოა და შეძლებთ მოზარდისთვის არა მხოლოდ ასისტენტის, არამედ მეგობრისა და მხარდამჭერის როლის შესრულებას, მოგვწერეთ პირად შეტყობინებაში. 💛