Mingəçevirdə Şəhid anası dünyasını dəyişdi. 1 ci Qarabağ müharibəsi şəhidi Mais Paşayevin anası Cahan Paşayeva 76 yaşında haqq dünyasına qovuşdu. Qeyd edək ki,Mais Paşayev Çırçıran oğlu 1973-cü il yanvar ayının 5-də Mingəçevir şəhərində anadan olub. 10 nömrəli orta məktəbdə təhsil alıb. 1992-ci il may ayının 4-də müddətli həqiqi hərbi xidmətə çağrılıb. Mais Çırcran oğlu Paşayevin hərbi xidmət dövrü erməni faşistlərinin Azərbaycan torpaqlarına təcavüzü dövrünə təsadüf etdiyindən o da torpaqlarımızın müdafiə olunması uğrunda gedən birinci Qarabağ müharibəsində iştirak edib. İlk vaxtlar Naxçıvanın Sədərək rayonunun müdafiə olunmasında xidmət göstərib. Sonra, 1993-cü il iyul ayının axırlarında Ağdam rayonunun müdafiəsinə göndərilib. Əməliyyatlar zamanı rayonun 2 kəndi alınıb, 3-cü kəndin düşmən tapdağından azad olunması uğrundakı döyüşlərdə, yəni 1993-cü il avqust ayının 6-da yaralı döyüşçünün harayına çatan Mais Çırçran oğlu Paşayev düşmən tərəfindən atılan mərminin qurbanı olub, şəhidlik zirvəsinə yüksəlib. Mingəçevir Şəhidlər Xiyabanında dəfn olunub. Subay idi. Allah həm şəhidimizə həm də anasına rəhmət eləsin.