ŞƏHİDLİK ZİRVƏSİNƏ UCALAN VƏTƏN OĞLU: NEMƏT HƏSƏNOV ​Vətən torpaqlarının azadlığı uğrunda canından keçən igidlərimizdən biri də #Nemət #Həsənovdur. O, 28 yanvar 1996-cı ildə #Saatlı rayonunun #Cəfərxan kəndində dünyaya göz açıb. 30 illik həsrətə son qoymaq amalı ilə II Qarabağ müharibəsinə yollanan Nemət, 22 oktyabr tarixində Qubadlı istiqamətində düşmənin artilleriya atəşi nəticəsində qəhrəmancasına şəhid olub. ​"Torpaq, uğrunda ölən varsa, Vətəndir!" deyərək cəbhəyə atılan Nemət Həsənov, qısa lakin şərəfli ömür yolu ilə adını tariximizə qızıl hərflərlə yazdırdı. Onun göstərdiyi mərdlik və fədakarlıq gələcək nəsillər üçün əsl vətənpərvərlik məktəbidir. ​Döyüşlərdə göstərdiyi igidliyə və hərbi borcunu şərəflə yerinə yetirdiyinə görə Prezident İlham Əliyevin sərəncamları ilə ölümündən sonra aşağıdakı yüksək mükafatlarla təltif olunub: ​3-cü dərəcəli "Vətənə xidmətə görə" ordeni ​"Vətən uğrunda" medalı ​"Cəsur döyüşçü" medalı ​"Qubadlının azad olunmasına görə" medalı ​"Cəbrayılın azad olunmasına görə" medalı ​Ruhu şad, məkanı cənnət olsun!